Ungdomspanelet i Møre og Romsdal ønskjer Møreuniversitetet snarast råd. I ein uttale seier panelet at ei slik etablering vil ha mykje å seie for alle som bur og arbeider i fylket. No vil ungdomspanelet ha endå meir engasjement kring saka.
Pressemelding frå Møre og Romsdal fylke
Dato: måndag 8. februar 2010
Eit universitet i Møre og Romsdal vil bety mykje for heile fylket, ved at ein får høve til å ta høgare utdanning i det same fylket som ein bur og skal jobbe i, understrekar ungdomspanelet i uttalen.
Panelet viser også til at eit universitet i fylket er ein viktig faktor når det gjeld å auke tilflytting til fylket og hindre fråflytting.
Fylkestinget
Saka om eit universitet i Møre og Romsdal var oppe under sist fylkesting, som eit spørsmål til
fylkesordføraren, og ungdomspanelet gir si fulle støtte til både det formulerte spørsmålet såvel som til svaret frå fylkesordføraren.
MøreAlliansen 2010
Panelet viser i sin uttale også til eit vedtak i nærings- og miljøutvalet, der utvalet løyver Høgskolen i Molde, Høgskolen i Volda og Høgskolen i Ålesund til saman inntil kr 2 200 000,- til prosjekt MøreAlliansen 2010.
|
