Høgskulens første studentbedrift vidare til NM

Tysdag blei fylkesmeisterskapen for studentbedrifter, i regi av Ungt Entreprenørskap Møre og Romsdal, arrangert i Ålesund.

ACTIO SB, høgskulens første studentbedrift, var ei av totalt 6 studentbedrifter som deltok på meisterskapen.

Om bedrifta skriv dei at dei "skal fremje innenforskap og inkludering gjennom ein tilrettelagd aktivitetskalender for innbyggjarar i Molde kommune som fell utanfor".

Actio SB vann prisen for beste samarbeid med næringslivet, og blei dermed ei av to studentbedrifter som skal til NM i Oslo seinare i år. Den andre studentbedrifta, som fekk utmerkinga årets studentbedrift, er Soundfence SB frå NTNU Ålesund. Dei har laga ei eining som skal sende ut høgfrekvent lyd og blinkande lys for å halde hjort, elg og rådyr borte frå jordbruksområde.

Du kan lese meir på Ungt entreprenørskap sine nettsider.