Halvvegs gjennom semesteret har IT-studentane hatt eit prosjekt kor dei skal utvikle unike VR-program.
Oppgåva?
Design ein plattform, og skap eit problem som brukaren skal løyse for å komme seg vidare bort frå plattforma.
Frå gulerothenting til ferd ut i verdsrommet
Studentane viste fram ein stor variasjon av VR-spel.
Her kunne du navigere gjennom labyrintar, eller klatre på toppen av ei fjellhylle for å hente gulrøter til kaninane dine. Andre skapte eit hotellrom med ein skjult nøkkel, nokon tok turen ut i universet!
Kursleiar er førsteamanuensis James Wen, og han er imponert over måten studentane har løyst oppgåvene. Han meinar slike ferdigheiter vil bli meir og meir etterspurt i jobbmarknaden i framtida.
Kurset IBE320 Extended Reality kombinerer teori og praksis, og gir studentane ei grunnleggjande forståing av teknologien som ligg bak slik plattformprogrammering.