Høgskolen i Molde har vore leigetakar hjå Statsbygg sidan 1. august 1994. Tysdag 17. august var det klart for signering av ein ny leigeavtale for dei komande 30 åra på Molde Campus - til ein lågare pris!
Statsbygg og Høgskolen i Molde er blitt enige om ny langtidskontrakt.. Alle foto HiMolde.
Meir differensiert husleige
Statsbygg er ein betydeleg eigedomsforvaltar innan høgre utdanning i Noreg og eig til dømes høgskulens bygningar i Molde. Husleiga vert dekt inn gjennom dei løyvingane som kvar institusjon får over statsbudsjettet. Etter ei ny takstvurdering av eigedomane i Molde er det blitt forhandla fram ein ny leigeavtale med Høgskolen i Molde. Denne vart signert av partane tysdag i førre veke på Molde campus.
Særs godt nøgd
- Vi er særs godt nøgd med å vere leigetakar hjå Statsbygg, seier konstituert høgskuledirektør Øyvind Sørensen. Saman med sektordirektør, Avdeling for eigedomsutvikling og forvaltning i Statsbygg, Kjetil Lehn, og eigedomssjef Avdeling for eigedomsutvikling og forvaltning i Statsbygg, Joar Melting, signerte han under på ei ny langtids husleigekontrakt med Statsbygg for dei neste 30 åra. Avtalen gjer at høgskulen no vil få eit handlingsrom til å utvikle campus vidare i åra som kjem, og nokre prosjekt er det allereie avsett midler til seier Sørensen.
Av
Jens Petter Straumsheim
Publisert31. aug. 2021 14:40 - Sist endret31. aug. 2021 14:40